«Парма» марказий ҳужумчиси Матео Пеллегрино «Ювентус»га ўтишга яқин турибди. Бу ҳақда журналист Николо Скира хабар бермоқда.

Манбага кўра, Турин клуби аргентиналик футболчини ижарага олиш бўйича «Парма» билан келишувга эришиш арафасида. Ижара нархи 5 миллион еврони ташкил этиши кутилмоқда. Шунингдек, шартномада 20 миллион евро эвазига сотиб олиш ҳуқуқи ва қўшимча 5 миллион евро бонус ҳам кўзда тутилган.

Ўтган мавсумда 24 ёшли Пеллегрино барча турнирларда 39 та ўйинда майдонга тушиб, 12 та гол ва битта голли узатмага муаллифлик қилди. Transfermarkt портали мутахассислари ҳужумчининг трансфер нархини 15 миллион еврога баҳоламоқда.