Англия Футбол Ассоциацияси (FA) агар миллий жамоа 2026 йилги Жаҳон чемпионатида чорак финалгача етиб бора олмаганда, бош мураббий Томас Тухель билан шартномани муддатидан аввал бекор қилиши мумкин эди, деб хабар беради The Athletic.
Манбага кўра, бундай ҳолатда немис мутахассиси компенсация олган бўларди. Тухелнинг FA билан шартномаси 2028 йилгача мўлжалланган.
Шунингдек, мураббий клуб футболида ишлашга қарор қилса, шартномани ўзи муддатидан аввал бекор қилиши мумкин. Бундай ҳолатда эса компенсацияни Тухель тўлашига тўғри келади.
Англия терма жамоаси Жаҳон чемпионати ярим финалида Аргентинадан мағлубиятга учрагач (1:2), Тухелнинг ишдан кетиши эҳтимоли кам деб баҳоланмоқда. Унинг ишда қолиши ва жамоани 2028 йилги Европа чемпионатига тайёрлаши кутилмоқда.
Англия учинчи ўрин учун кечадиган баҳсда Францияга қарши майдонга тушади. Учрашув 19 июль куни Майамидаги «Hard Rock» стадионида бўлиб ўтади.
