Angliya Futbol Assosiasiyasi (FA) agar milliy jamoa 2026 yilgi Jahon chempionatida chorak finalgacha yetib bora olmaganda, bosh murabbiy Tomas Tuxel bilan shartnomani muddatidan avval bekor qilishi mumkin edi, deb xabar beradi The Athletic.
Manbaga ko‘ra, bunday holatda nemis mutaxassisi kompensasiya olgan bo‘lardi. Tuxelning FA bilan shartnomasi 2028 yilgacha mo‘ljallangan.
Shuningdek, murabbiy klub futbolida ishlashga qaror qilsa, shartnomani o‘zi muddatidan avval bekor qilishi mumkin. Bunday holatda esa kompensasiyani Tuxel to‘lashiga to‘g‘ri keladi.
Angliya terma jamoasi Jahon chempionati yarim finalida Argentinadan mag‘lubiyatga uchragach (1:2), Tuxelning ishdan ketishi ehtimoli kam deb baholanmoqda. Uning ishda qolishi va jamoani 2028 yilgi Yevropa chempionatiga tayyorlashi kutilmoqda.
Angliya uchinchi o‘rin uchun kechadigan bahsda Fransiyaga qarshi maydonga tushadi. Uchrashuv 19 iyul kuni Mayamidagi «Hard Rock» stadionida bo‘lib o‘tadi.
