Италиянинг «Рома» клуби собиқ ҳужумчиси ва сардори Франческо Тотти 2026 йилги Жаҳон чемпионатида ўз ўйини билан уни хафа қилган терма жамоаларни айтди. Турнир финалида Испания ва Аргентина жамоалари куч синашади. Ўйин 19 июль куни бўлиб ўтади.

— Турнирдаги энг омадсиз жамоа? Кўп нарса кутилган, аммо умуман ўхшамаган ўйин ёки футболчи?

— Энг аввало, мен Нидерландия ва Германияни айтган бўлардим. Улар анча узоқроққа бора олади, деб ўйлагандим. Аниқ бир футболчини ажратиб кўрсатиш ва уни ёмон ўйнади, дейиш менга ёқмайди. Ўзим ҳам футболчи бўлганман ва у қандай ҳолатда бўлиши мумкинлигини тушунаман. Ҳаммаси ёмон кетса, бу бутун жамоанинг айби. Шунинг учун бирор футболчини алоҳида ажратиш нотўғри, — деди Тотти.

Германия ЖЧ-2026 нинг 1/16 финалида Парагвайга, Нидерландия эса худди шу босқичда Марокашга имкониятни бой бериб қўйган эди.