Аргентина терма жамоаси дарвозабони Эмилиано Мартинес жаҳон чемпионати бошланишидан олдин олган жароҳати ҳақидаги саволга жавоб берди. Лионель Скалони шогирдлари турнир финалига чиқишди ва у ерда Испания терма жамоасига қарши баҳс олиб боришади. Учрашув якшанба куни бўлиб ўтади. «Альбиселесте» дарвозабони оғриққа қарамай ўйнашда давом этаётганини тан олди.
«Қўлим ҳар куни оғрийди. Шундай бўлишини билардим, лекин операцияни кейинга сурдим. Барча мутахассислар жарроҳлик амалиёти зарурлигини айтишган. Бу муаммо мени ташвишга солмоқда, чунки машғулотларни яхши кўраман, лекин 1/8 финалдан бошлаб одатий режимда машқ қиляпман ва ўзимни анча яхши ҳис қиляпман», — деди Мартинес финал олдидан ўтказилган матбуот анжуманида.
Эслатиб ўтамиз, 33 ёшли дарвозабон ўнг қўлининг номсиз бармоғини май ойида, «Астон Вилла» ва «Фрайбург» ўртасидаги Европа Лигаси финалидан олдин синдириб олган эди.
