«Барселона» президенти Жоан Лапорта «Атлетико» бош директори Мигель Анхель Хиль Мариннинг Хулиан Альварес ҳақидаги яқинда айтган гапларига изоҳ берди. «Матрасчилар» вакили аргентиналик ҳужумчи ёзги трансфер ойнасида ҳеч қандай ҳолатда «Барселона»га ўтмаслигини аниқ қилиб айтганди.

«Хиль Мариннинг сўзларими? Мен ҳар кимнинг фикрини ҳурмат қиламан, лекин битта нарсани аниқ биламан – биз таклиф билан чиққанмиз ва у ҳамон ўз кучида. Қачондир ушбу таклиф қанча муддат амал қилишини ҳал қилишимиз керак бўлади. Июль ойи охиригача? Ҳа, шундай бўлса керак», — дея Лапортанинг сўзларини келтиради Tot costa.

Маълумотларга кўра, «Барселона» Хулиан Альварес учун 100 миллион евро атрофида таклиф билдирган.