«Арсенал» ҳужумчиси Виктор Дьёкереш фаолиятини Ла Лигада давом эттириши мумкин.

ElNacional.cat маълумотларига кўра, «Барселона» швециялик футболчини ўз сафига қўшиб олишдан манфаатдор. Каталония клуби трансфер ойнаси ёпилгунга қадар ҳужумчининг трансферини расмийлаштирмоқчи. «Канонирлар» ўз футболчисини сотишга тайёр, «Арсенал» Дьёкерешни сотишдан 60 миллион евро ишлаб олмоқчи.

Виктор Дьёкереш 2025 йилда «Спортинг»дан «Арсенал»га 67 миллион евро эвазига ўтган эди. Унинг «канонирлар» билан тузган шартномаси 2030 йилнинг 30 июнига қадар мўлжалланган. 2025/26 йилги мавсумда ҳужумчи Лондон клуби сафида барча турнирларда 55 та ўйинда майдонга тушиб, 21 та гол урди ва 3 та голли узатмага муаллифлик қилди. Transfermarkt портали Дьёкерешнинг нархини 65 миллион евро деб баҳоламоқда.