«Реал» вингери Родриго ўнг тиззасидаги олд хочсимон пайларнинг узилиши ва латерал мениск шикастланишидан сўнг тикланиш жараёнини давом эттирмоқда.

Diario AS нашрининг маълумотларига кўра, бразилиялик футболчи жарроҳлик амалиётидан сўнг 2027 йилнинг бошида майдонга қайтиши кутилмоқда. Эслатиб ўтамиз, футболчи март ойида Испания чемпионати доирасида «Хетафе»га қарши ўйинда жароҳат олган эди.

Родриго 2019 йилда «Сантос»дан 45 миллион евро эвазига «Реал»га ўтган эди. Унинг мадридликлар билан тузган шартномаси 2028 йилнинг 30 июнига қадар амал қилади. 2025/26 йилги мавсумда вингер «қироллик клуби» сафида барча турнирларда 27 та ўйин ўтказиб, 3 та гол урди ва 6 та голли узатмани амалга оширди. Transfermarkt портали Родригонинг трансфер қийматини 45 миллион еврога баҳоламоқда.