Англия терма жамоаси футболчиси Букайо Сака ЖЧ-2026 ярим финалида Аргентинадан учралган мағлубиятни эслади. У бу ҳақда Франция устидан қозонилган ғалабадан сўнг фикр билдирди.
"Ҳа, бу ўйинда ғалаба қозониш биз учун турнирни юқори нотада якунлаш учун жуда муҳим эди. Шахсан мен учун бу аслида ўйнашни унчалик истамаган ўйиним эди, аммо майдонга тушиш, ўйин вақтига эга бўлиш ва Жаҳон чемпионатининг сўнгги учрашувидан завқ олишдан бахтиёрман. Бундай имконият ҳар тўрт йилда бир марта бўлади. Меҳнатларим ҳет-трик билан мукофотланганидан ва бу хет-трик тарихга киришидан хурсандман. Бу менинг ва жамоанинг кайфиятини, қанчалик ҳаракат қилаётганимизни ва мамлакатимизни қанчалик фахрлантиришни исташимизни кўрсатади.
Аргентинадан учралган мағлубиятми? Бу бутунлай бошқача ўйин эди. Буни биринчи навбатда таъкидлаш керак. Ўша учрашув ярим финал эди, у ерда тақдир ҳал бўлаётганди. Биласизми, бундай ўйинларда босим жуда катта бўлади. Бугунги учрашув эса анча хотиржамроқ кечди. Бизда бошқача таркиб бор эди, шунинг учун ўйиндаги фарққа таъсир қилган кўплаб омиллар мавжуд. Лекин, охир-оқибат, бош мураббий кимни танламасин, биз бор кучимизни беришимиз шарт. Ўзгаришлар қандай бўлса, шундай бўлди. Бу ҳақда бошқа гап йўқ. Мен бу ерга можаро чиқариш учун келганим йўқ, аммо ҳаммаси шундай ва биз олдинга интилишимиз керак", — дея Саканинг сўзларини келтиради Tuttomercatoweb.
