Angliya terma jamoasi futbolchisi Bukayo Saka JCH-2026 yarim finalida Argentinadan uchralgan mag‘lubiyatni esladi. U bu haqda Fransiya ustidan qozonilgan g‘alabadan so‘ng fikr bildirdi.

"Ha, bu o‘yinda g‘alaba qozonish biz uchun turnirni yuqori notada yakunlash uchun juda muhim edi. Shaxsan men uchun bu aslida o‘ynashni unchalik istamagan o‘yinim edi, ammo maydonga tushish, o‘yin vaqtiga ega bo‘lish va Jahon chempionatining so‘nggi uchrashuvidan zavq olishdan baxtiyorman. Bunday imkoniyat har to‘rt yilda bir marta bo‘ladi. Mehnatlarim het-trik bilan mukofotlanganidan va bu xet-trik tarixga kirishidan xursandman. Bu mening va jamoaning kayfiyatini, qanchalik harakat qilayotganimizni va mamlakatimizni qanchalik faxrlantirishni istashimizni ko‘rsatadi.

Argentinadan uchralgan mag‘lubiyatmi? Bu butunlay boshqacha o‘yin edi. Buni birinchi navbatda ta’kidlash kerak. O‘sha uchrashuv yarim final edi, u yerda taqdir hal bo‘layotgandi. Bilasizmi, bunday o‘yinlarda bosim juda katta bo‘ladi. Bugungi uchrashuv esa ancha xotirjamroq kechdi. Bizda boshqacha tarkib bor edi, shuning uchun o‘yindagi farqqa ta’sir qilgan ko‘plab omillar mavjud. Lekin, oxir-oqibat, bosh murabbiy kimni tanlamasin, biz bor kuchimizni berishimiz shart. O‘zgarishlar qanday bo‘lsa, shunday bo‘ldi. Bu haqda boshqa gap yo‘q. Men bu yerga mojaro chiqarish uchun kelganim yo‘q, ammo hammasi shunday va biz oldinga intilishimiz kerak", — deya Sakaning so‘zlarini keltiradi Tuttomercatoweb.