«Челси» Максанс Лакруа трансфери бўйича «Кристал Пэлас» билан расмий музокаралар олиб борди, деб ёзади журналист Бен Жейкобс.
Аввалроқ, «кўклар» 26 ёшли ҳимоячини Жаҳон чемпионати-2026 дан сўнг ўз сафига қўшиб олиши ҳақида хабар берилган эди. Қайд этилишича, француз футболчисига «Арсенал» ҳам қизиқиш билдирмоқда.
«Пэлас» футболчини камида 55 миллион фунт стерлингга баҳоламоқда ва бу борада Жан-Поль ван Хеккенинг «Тоттенхэм»га ўтиш келишувига асосланмоқда.
АПЛнинг ўтган мавсумида Лакруа 35 та ўйин ўтказиб, 1 та гол урди, 2 та голли узатмани амалга оширди, 4 та сариқ ва 1 та қизил карточка олди. ЖЧ-2026 да эса Максанс учта учрашувда майдонга тушди.
