Машҳур британиялик спорт журналисти ва телебошловчи Пирс Морган Англия терма жамоасининг 2026 йилги жаҳон чемпионатидаги иштирокига якун ясади.
Томас Тухель бошчилигидаги жамоа ярим финалда Аргентинага имкониятни бой бериб (1:2), мундиал финалига чиқа олмади. Учинчи ўрин учун кечган баҳсда эса инглизлар Францияни 6:4 ҳисобида мағлубиятга учратди.
«Англия финалга чиқишга бир қадам қолган эди. Мен кўрган энг яхши ўйинни кўрсатишди: Мексикага қарши ўйинда қаҳрамонона камбэк қайд этишди, Францияни тор-мор қилишди ва 1966 йилдан буён энг яхши натижани намойиш этишди. Жамоа ва Тухель манзилига билдирилаётган танқидлар меъёрдан ортиқ», — деб ёзди Морган ижтимоий тармоқларда.
Эслатиб ўтамиз, 1966 йилда Англия терма жамоаси финалда Германияни мағлуб этиб, жаҳон чемпиони бўлган эди.
