«Сурхон» клуби дарвозабон Даврон Мергановнинг соғлиғи юзасидан расмий маълумот берди.
Клуб матбуот хизматининг хабар қилишича, Суперлиганинг 12-тури доирасида ўтган «Андижон»га қарши учрашувнинг 5-дақиқасида бош қисмидан жароҳат олган посбон тиббий кўрикдан ўтказилган. Текширувлар натижасида футболчида мия чайқалиши аниқланган.
Қайд этилишича, айни пайтда Даврон Мергановнинг умумий аҳволи барқарор ва қониқарли деб баҳоланмоқда. У шифокорлар назорати остида даволаниш ҳамда тикланиш жараёнини давом эттирмоқда.
Клуб раҳбарияти ва матбуот хизмати мухлислардан фақат расмий манбаларда эълон қилинадиган маълумотларга таянишни сўраган.
