Бразилиялик 46 ёшли собиқ қанот ҳужумчиси Роналдиньо ЖЧ-2026 да Аргентина терма жамоаси кўрсатаётган ўйин ҳақида ўз фикрлари билан ўртоқлашди.
«Мана шундай Аргентина — мен томоша қилишни яхши кўрадиган футбол ва ўйинчилар ҳар бир баҳсда намойиш этаётган фидойиликдир.
Аргентина доимо шундай бўлган, шундай эмасми? Бу соф кураш, соф юрак. Уларнинг шундай обрўси бор ва яна айнан шу йўл билан мана шу босқичга етиб келишди. Ва у ерда Месси бор, шундай эмасми, дўстим? У жамоа муаммоларини ҳал қила олади.
Жамоада камтарлик бор. Барча унинг учун югуради, унга қачон тўпни узатишни билади ва унинг ўйин тақдирини ўзгартира олишини, ўйинни ҳал қилиб беришини тушунади. Шу сабабли, ўйлайманки, улардаги бу бирдамликни кузатиш жуда ёқимли», — деди Роналдиньо.
Бугун, 19 июль куни Испания ЖЧ-2026 финалида Аргентинага қарши майдонга тушади.
