ФИФАнинг футболни глобал ривожлантириш бўйича раҳбари Арсен Венгер илк бор 48 та терма жамоа иштирок этган ЖЧ-2026 ҳақида ўз фикрларини билдирди.
"48 та жамоага ўтиш кўплаб саволларни келтириб чиқарди. Шахсан мен буни этика нуқтаи назаридан зарур деб ҳисоблайман, чунки ҳамма конфедерациялар ҳам бир хил сонли мамлакатлар билан етарлича намойиш этилмаганди. Ҳамма ҳам турнирда қатнаша олмасди.
Бу мамлакатларнинг савияси етарлича баландми, деган саволлар бор эди ва уларга жавоблар берилди. Бу жамоалар нафақат ўз салоҳиятларини исботладилар, балки бизга ажойиб ўйинлар ва ёрқин томошаларни ҳам тақдим этишди.
Албатта, ҳамма дарҳол Кабо-Вердени эслайди, аммо бошқа кўплаб мамлакатлар ҳам бўлди. Агар турнирни таҳлил қилсак, жамоалар ўртасидаги савия фарқи тобора кичиклашиб бораётганини кўрамиз", — деди Венгер.
