Аргентиналик ҳимоячи Николас Отаменди 2026 йилги жаҳон чемпионати финал баҳсидан кейин Испания терма жамоаси футболчиларининг хатти-ҳаракатлари ҳақида ўз фикрларини билдирди.
«Уларга камроқ гапириш керак. Бутун ҳафта давомида нолишди. Ҳам Лапорт, ҳам Родри. Ҳакамлик бўйича дод-вой қилишди», — дея футболчининг сўзларини келтиради Marca газетаси.
Испания ва Аргентина терма жамоаларининг финал учрашуви Нью-Жерси штатидаги стадионда бўлиб ўтди. «Альбиселесте» қўшимча бўлимда гол ўтказиб юбориб, 0:1 ҳисобида мағлубиятга учради. Ҳужумчи Ферран Торрес учрашувдаги ягона гол муаллифига айланди.
