«Манчестер Сити» ярим ҳимоячиси Фил Фоден фаолиятини Испанияда давом эттириши мумкин.
Экрем Конурнинг хабарига кўра, англиялик футболчини сотиб олишдан «Барселона» манфаатдор. Каталония клуби ярим ҳимоячининг «Манчестер Сити»даги ноаниқ келажагини уни арзонроқ суммага қўлга киритиш имконияти сифатида кўрмоқда. Шу билан бирга, ўйинчига «Милан» ҳам даъвогарлик қилмоқда. Таъкидланишича, 2025 йилда «шаҳарликлар» Фоденни «Ан-Наср»га 130 миллион евро эвазига сотишдан бош тортишган эди.
Фил Фоден «Манчестер Сити» академияси тарбияланувчиси ҳисобланади. Унинг шартномаси 2027 йилнинг 30 июнигача мўлжалланган. 2025/26 йилги мавсумда ярим ҳимоячи «шаҳарликлар» сафида барча турнирларда 50 та ўйин ўтказиб, уларда ўнта гол урди ва еттита голли узатмани амалга оширди.
