Лондоннинг «Арсенал» клуби «Манчестер Сити»нинг собиқ ҳимоячиси Джон Стоунзга қизиқиш билдирмоқда. Бу ҳақда The Sun хабар беради.
«Канонирлар»нинг эркин агент ҳисобланган Англия терма жамоаси футболчисига бўлган қизиқиши Вильям Салибанинг жароҳати билан боғлиқ. Франциялик футболчининг белида муаммолар бор, лондонликларнинг тиббий штаби ушбу масалани батафсилроқ ўрганиб чиқади.
Ўтган 2025/2026 йилги мавсумда Джон Стоунз барча мусобақаларда 18 та ўйинда майдонга тушди. Transfermarkt порталида келтирилган маълумотларга кўра, футболчининг бозор қиймати 12 миллион еврони ташкил этади. Англиялик футболчи 2016 йилдан бери «шаҳарликлар» шарафини ҳимоя қилиб келаётган эди ва ушбу давр мобайнида олти марта Премьер-лига титулини ҳамда Чемпионлар лигасини қўлга киритишга муваффақ бўлган.
