Бельгия терма жамоаси бош мураббийи Руди Гарсия миллий терма жамоа устозлиги постида хайрлашув мурожаатини эълон қилди. Илгарироқ Қироллик Бельгия футбол ассоциацияси ўз расмий сайтида мутахассис билан 2026 йил 31 июлда тугайдиган шартнома узайтирилмаслигини маълум қилган эди.
«Қироллик Бельгия футбол ассоциацияси билан муҳокамалардан сўнг, биз 18 ой давом этган ажойиб ишимизни узайтирмасликка қарор қилдик.
Мен Миллатлар лигасининг «А» гуруҳида иштирок этаётган ва дунёнинг энг кучли саккизта жамоаси қаторига кирувчи Бельгия терма жамоасини тарк этмоқдаман.
Фақатгина янги жаҳон чемпиони бўлмиш Испания — саккизта ўйинда ягона голни биз ура олган жамоа — энг нуфузли турнирда янада олисроққа боришимизга тўсқинлик қилди.
Мен ўзимнинг фантастик ўйинчилар жамоамга, спорт директори Винсент Маннартга ва ушбу Жаҳон чемпионати давомида, ҳатто Европада тун ярми бўлишига қарамай, бизни қўллаб-қувватлаган мухлисларга миннатдорчилик билдирмоқчиман.
Энди мен терма жамоа ёки клуб билан янги чорловларга тайёрман. Бельгияга ўзим ташаббускори бўлишдан мамнун бўлган авлодлар алмашинуви жараёнининг давомида энг эзгу тилакларни тилаб қоламан», — деб ёзди Гарсия X ижтимоий тармоғидаги ўз саҳифасида.
2026 йилги Жаҳон чемпионатида Бельгия терма жамоаси 1/4 финалгача етиб бориб, унда Испанияга имкониятни бой берди (1:2).
