Belgiya terma jamoasi bosh murabbiyi Rudi Garsiya milliy terma jamoa ustozligi postida xayrlashuv murojaatini e’lon qildi. Ilgariroq Qirollik Belgiya futbol assosiasiyasi o‘z rasmiy saytida mutaxassis bilan 2026 yil 31 iyulda tugaydigan shartnoma uzaytirilmasligini ma’lum qilgan edi.
«Qirollik Belgiya futbol assosiasiyasi bilan muhokamalardan so‘ng, biz 18 oy davom etgan ajoyib ishimizni uzaytirmaslikka qaror qildik.
Men Millatlar ligasining «A» guruhida ishtirok etayotgan va dunyoning eng kuchli sakkizta jamoasi qatoriga kiruvchi Belgiya terma jamoasini tark etmoqdaman.
Faqatgina yangi jahon chempioni bo‘lmish Ispaniya — sakkizta o‘yinda yagona golni biz ura olgan jamoa — eng nufuzli turnirda yanada olisroqqa borishimizga to‘sqinlik qildi.
Men o‘zimning fantastik o‘yinchilar jamoamga, sport direktori Vinsent Mannartga va ushbu Jahon chempionati davomida, hatto Yevropada tun yarmi bo‘lishiga qaramay, bizni qo‘llab-quvvatlagan muxlislarga minnatdorchilik bildirmoqchiman.
Endi men terma jamoa yoki klub bilan yangi chorlovlarga tayyorman. Belgiyaga o‘zim tashabbuskori bo‘lishdan mamnun bo‘lgan avlodlar almashinuvi jarayonining davomida eng ezgu tilaklarni tilab qolaman», — deb yozdi Garsiya X ijtimoiy tarmog‘idagi o‘z sahifasida.
2026 yilgi Jahon chempionatida Belgiya terma jamoasi 1/4 finalgacha yetib borib, unda Ispaniyaga imkoniyatni boy berdi (1:2).
