«Манчестер Сити» билан хайрлашганидан сўнг эркин агент мақомида бўлиб турган англиялик марказий ҳимоячи Жон Стоунс Англиянинг бошқа бир клубига ўтиши мумкин.
The Athletic хабарига кўра, 32 ёшли футболчини ўз сафига қўшиб олишга Лондоннинг «Челси» клуби қизиқиш билдирмоқда. «Пенсионерлар» янги мавсум олдидан жамоа таркибини тажрибали ўйинчилар билан кучайтиришни исташмоқда.
Стоунс 2026 йилги Жаҳон чемпионатида Англия миллий терма жамоаси шарафини ҳимоя қилди. Британлар Шимолий Америкада ўтган мундиалнинг бронза медали соҳибларига айланишди.
Англия Премьер-лигасининг ўтган мавсумида ҳимоячи тўққизта баҳсда майдонга тушган.
