«Хайдук» ярим ҳимоячиси Адам Гурам фаолиятини Англия Премьер-лигасида давом эттириши мумкин.
Журналист Руди Галеттининг хабар беришича, 17 ёшли украиналик футболчини ўз сафига қўшиб олишга «Челси» ва «Арсенал» клублари қизиқиш билдирмоқда. Шуннингдек, жорий йилнинг апрель бошида профессионал футболдаги дебютини ўтказган футболчи Испания, Италия ва Чехия жамоалари эътиборини тортишга улгурди. Гурам Европанинг энг истеъдодли ёш ўйинчиларидан бири сифатида эътироф этилмоқда.
Адам Гурам «Шахтёр» клуби тарбияланувчиси ҳисобланади. У 2024 йилда «Хайдук» сафига эркин агент мақомида ўтган. Унинг шартномаси 2027 йилнинг 31 декабрига қадар мўлжалланган. 17 ёшли Гурам «Хайдук»нинг асосий жамоаси таркибида аллақачон тўққизта ўйинда майдонга тушиб, битта гол уришга эришган.
