Мексика терма жамоаси дарвозабони Гильермо Очоа фаолиятини якунлаганини эълон қилди.

«Орзум мени қанчалик узоққа етаклашини тасаввур ҳам қила олмагандим. Бугун фақат фахр билан ортга қараб: «Раҳмат», дея оламан. Оиламга раҳмат. Жамоадошларимга раҳмат. Йўлимнинг ҳар бир босқичида мени қўллаб-қувватлаган ҳар бир мухлисга раҳмат.

Мен ўзим билан миллионлаб мухлисларнинг меҳрини ва Мексика учун бор кучимни берганимга бўлган ишончни олиб кетмоқдаман. Биз бошдан кечирган нарсаларни ҳеч ким тортиб ололмайди. Чин қалбимдан сизга катта раҳмат», — деб ёзди Очоа.

2026 йилги жаҳон чемпионати Очоа учун фаолиятидаги олати мундиал бўлди. 41 ёшли дарвозабон тўртта турнирда майдонга тушган — 2006 ва 2010 йилларда у қайдномага киритилган, аммо биррор марта ҳам ўйнамаган эди. 2025/26 йилги мавсумда Очоа Кипрнинг АЕЛ клуби шарафини ҳимоя қилди.

Гильермо шунингдек «Аяччо», «Малага», «Гранада», «Стандард», «Америка» ва «Салернитана» клубларида тўп тепган.