Meksika terma jamoasi darvozaboni Gilyermo Ochoa faoliyatini yakunlaganini e’lon qildi.

«Orzum meni qanchalik uzoqqa yetaklashini tasavvur ham qila olmagandim. Bugun faqat faxr bilan ortga qarab: «Rahmat», deya olaman. Oilamga rahmat. Jamoadoshlarimga rahmat. Yo‘limning har bir bosqichida meni qo‘llab-quvvatlagan har bir muxlisga rahmat.

Men o‘zim bilan millionlab muxlislarning mehrini va Meksika uchun bor kuchimni berganimga bo‘lgan ishonchni olib ketmoqdaman. Biz boshdan kechirgan narsalarni hech kim tortib ololmaydi. Chin qalbimdan sizga katta rahmat», — deb yozdi Ochoa.

2026 yilgi jahon chempionati Ochoa uchun faoliyatidagi olati mundial bo‘ldi. 41 yoshli darvozabon to‘rtta turnirda maydonga tushgan — 2006 va 2010 yillarda u qaydnomaga kiritilgan, ammo birror marta ham o‘ynamagan edi. 2025/26 yilgi mavsumda Ochoa Kiprning AYEL klubi sharafini himoya qildi.

Gilyermo shuningdek «Ayachcho», «Malaga», «Granada», «Standard», «Amerika» va «Salernitana» klublarida to‘p tepgan.