Бельгиялик марказий ҳужумчи Ромелу Лукаку ёзги трансфер ойнасида «Наполи»ни тарк этиши мумкин. Бу ҳақда Corriere dello Sport журналистлари хабар бермоқда.
Неаполь клуби музокараларга тайёр ва потенциал харидорлардан таклифлар кутмоқда. Ромелу 2024 йилнинг ёзидан бери жамоа шарафини ҳимоя қилиб келмоқда. Томонлар ўртасидаги амалдаги меҳнат шартномаси муддати 2027 йилнинг июнь ойи охирида тугайди. Бельгиялик футболчининг бозор қиймати 6 миллион еврони ташкил этади.
Италия А Сериясининг ўтган мавсумида 33 ёшли ҳужумчи «Наполи» сафида бор-йўғи 5 та ўйинда майдонга тушди. Лукаку ўз ҳисобига 1 та гол ва 1 та сариқ карточка ёзиб қўйган.
