«Интер Майами» ярим ҳимоячиси Каземиро янги клуб танловига изоҳ берди. Майамиликлар чоршанба куни бразилиялик юлдуз билан шартнома имзоланганини расман эълон қилишди. 34 ёшли хавбек 2027 йилнинг ўрталаригача мўлжалланган ва шартномани автоматик тарзда яна икки йилга узайтириш имкониятини кўзда тутувчи битимга қўл қўйди.
«Бироз вақт олдин «Лос-Анджелес Гэлакси» билан музокаралар олиб бораётганда, мен фақат «Интер Майами»да ўйнашни хоҳлашимни айтган эдим. Оилам билан жуда яхши кўрадиган шаҳримиз учун, лойиҳа учун, шунингдек, тарихдаги энг буюк футболчилардан бири — Лео Месси билан бир жамоада тўп суриш имконияти туфайли шу қарорга келдим. Менга берилган бу имконият учун клубга миннатдорчилик билдираман», — дея таянч ярим ҳимоячисининг сўзларини келтиради Inter Miami News Hub.
Аввалроқ Каземиро «Манчестер Юнайтед» сафида тўп сурган ва ўтган мавсум якунида эркин агент сифатида жамоани тарк этган эди.
