Винисиус Жуниорнинг «Реал» билан амалдаги шартномаси якунланишига яна бир мавсум қолди. Transfer News Live журналист Рамон Альварес де Монга таяниб хабар беришича, Винисиуснинг вакиллари Мадрид клуби билан шартномани узайтириш бўйича музокараларни тўхтатишди.

Винисиуснинг вакиллари «Реал» жорий таклифни яхшиламагунча музокаралар жараёнини қайта бошламайдилар.

Винисиус ва «Реал»нинг молиявий масаладаги позициялари ўртасида жиддий тафовут сақланиб қолмоқда. Бу эса бразилиялик футболчининг шу ёзнинг ўзидаёқ трансфер қилиниши эҳтимолини оширади.

26 ёшли Винисиус Жуниор нуфузли Transfermarkt портали мутахассислари томонидан 140 миллион еврога баҳоланмоқда.