Аргентинада рақамли платформаларнинг бирида петиция ишга туширилди. Муаллиф Аргентина терма жамоаси Испанияга 0:1 ҳисобида имкониятни бой берган ЖЧ финалини қайта ўтказишни талаб қилмоқда.
Петицияда таъкидланишича, ўйин натижасига словениялик ҳакам Славко Винчичнинг хатолари таъсир кўрсатган. Шу билан бирга, ҳеч қандай тасдиқланган далиллар келтирилмаган.
El Mundo нашрининг хабар беришича, агар ушбу петиция 61 500 дан ортиқ имзо тўпламаганида, унга деярли ҳеч ким эътибор қаратмаган бўлар эди.
Албатта, ФИФА жаҳон чемпионати финали натижасини қайта кўриб чиқмайди. Ўйиннинг қандай кечганини ҳисобга олсак, Аргентина терма жамоаси ҳакамни айблаши мантиққа тўғри келмайди — аргентиналиклар ўйиндаги илк зарбани фақат 117-дақиқага келиб йўллашган.
