Ҳимоячи Илья Забарний шу ёзда «ПСЖ»ни тарк этиши мумкин.
talkSPORT журналисти Алекс Крукнинг хабар беришича, парижликлар украиналик футболчини ёзги трансфер ойнасида сотишга тайёр. Футболчининг хизматлари воситачилар орқали «Ливерпуль» ва «Челси»га таклиф қилинган. Англия клубларининг Забарнийга қанчалик қизиқиш билдираётгани ҳозирча ноаниқ.
Илья Забарний 2025 йилда «Бёрнмут»дан «ПСЖ»га 63 миллион евро эвазига ўтган эди. Унинг шартномаси 2030 йилнинг 30 июнигача мўлжалланган. 2025/26 йилги мавсумда ҳимоячи Париж клуби сафида барча турнирларда 37 та ўйинда майдонга тушиб, 1 та гол урди. Transfermarkt портали украиналик футболчининг қийматини 40 миллион еврога баҳоламоқда.
