«Тоттенхэм» ҳимоячиси Педро Порро фаолиятини Испанияда давом эттириши мумкин.

Fichajes нашри маълумотларига кўра, «Барселона» футболчини ўз сафига қўшиб олишга қизиқиш билдирмоқда. Каталония клуби унинг трансфери учун 30 миллион евролик таклиф юборишга тайёр. «Шпорлар» испаниялик футболчини қўйиб юборишга рози бўлиш-бўлмаслиги ҳозирча ноаниқ.

Педро Порро 2023 йилда «Спортинг»дан «Тоттенхэм»га 40 миллион евро эвазига ўтган эди. Унинг лондонликлар билан шартномаси 2031 йилнинг 30 июнигача мўлжалланган. 2025/26 йилги мавсумда ҳимоячи Лондон клуби сафида барча турнирларда 47 та ўйинда майдонга тушиб, 2 та гол урди ва 6 та голли узатмага муаллифлик қилди. Transfermarkt портали Порронинг қийматини 35 миллион еврога баҳоламоқда.