Норвегия Футбол ассоциацияси раҳбари Лисе Клавенесс Жаҳон чемпионати иштирокчилари сонини 64 та терма жамоагача етказиш ғоясини ақлга сиғмайдиган таклиф деб атади.

Аввалроқ ФИФА президенти Жанни Инфантино Халқаро футбол федерацияси турнир иштирокчилари сонини кўпайтириш масаласини кўриб чиқишини маълум қилган эди.

«Бу ҳурматсизлик ва асоссиз таклиф. 20 йилдан бери у ерда ўйнамаган биз каби кичик мамлакатлар Жаҳон чемпионати иштирокчилари сони 48 та жамоагача кенгайтирилиши мумкинлигини кўрсатиб беришди. Ҳозир 64 та терма жамоа ҳақида гапиришни бошлаш футбол манфаатларига тўғри келмайди ва ҳатто ақлга сиғмайди — 48 та жамоагача кенгайишнинг ўзиёқ жиддий ўзгариш эди.

Агар ҳозир 64 та жамоа ҳақида муҳокама бошланса ва бу ҳақда нуфузли инсонлар гапира бошлашса, бу ишончсизликни келтириб чиқаради. Жаҳон чемпионати миллий чемпионатларга ва конфедерацияларга ҳозиргидан кўра кучлироқ таъсир ўтказмаслиги керак», — деди Клавенесс.