Norvegiya Futbol assosiasiyasi rahbari Lise Klaveness Jahon chempionati ishtirokchilari sonini 64 ta terma jamoagacha yetkazish g‘oyasini aqlga sig‘maydigan taklif deb atadi.
Avvalroq FIFA prezidenti Janni Infantino Xalqaro futbol federasiyasi turnir ishtirokchilari sonini ko‘paytirish masalasini ko‘rib chiqishini ma’lum qilgan edi.
«Bu hurmatsizlik va asossiz taklif. 20 yildan beri u yerda o‘ynamagan biz kabi kichik mamlakatlar Jahon chempionati ishtirokchilari soni 48 ta jamoagacha kengaytirilishi mumkinligini ko‘rsatib berishdi. Hozir 64 ta terma jamoa haqida gapirishni boshlash futbol manfaatlariga to‘g‘ri kelmaydi va hatto aqlga sig‘maydi — 48 ta jamoagacha kengayishning o‘ziyoq jiddiy o‘zgarish edi.
Agar hozir 64 ta jamoa haqida muhokama boshlansa va bu haqda nufuzli insonlar gapira boshlashsa, bu ishonchsizlikni keltirib chiqaradi. Jahon chempionati milliy chempionatlarga va konfederasiyalarga hozirgidan ko‘ra kuchliroq ta’sir o‘tkazmasligi kerak», — dedi Klaveness.
