Юрген Клопп жума куни, 24 июль куни Германия терма жамоасининг янги бош мураббийи сифатида таништирилади.

Журналист Флориан Плеттенбергнинг маълумотларига кўра, Германия Футбол Иттифоқи Клопп эълон қилинадиган ва тақдим этиладиган матбуот анжуманини эртага, Тошкент вақти билан соат 14:00 га режалаштирган.

Юрген Клоппнинг охирги иш жойи 2015 йилдан 2024 йилгача бошқарган «Ливерпуль» клуби бўлган эди. Германиялик мутахассис қўл остида «қизиллар» 8 та трофейни қўлга киритишди — икки марта Англия Лига кубоги, шунингдек, бир мартадан Англия Премьер-лигаси, Чемпионлар лигаси, Англия кубоги, Англия Суперкубоги, УЕФА Суперкубоги ва клублар ўртасидаги жаҳон чемпионатида зафар қучишди. Бундан ташқари, Клопп «Ливерпуль»ни яна икки марта Чемпионлар лигаси ва бир марта Европа лигаси финалига олиб чиққан.