«Челси» «Байер» ҳамда Босния ва Герцеговина терма жамоаси ярим ҳимоячиси Керим Алайбегович билан шартнома имзолаш учун асосий даъвогар бўлиб турибди. Бу ҳақда The Telegraph нашри хабар бермоқда.
Манбанинг маълумотига кўра, Лондон клуби трансфер қиймати тахминан 35 миллион еврога баҳоланаётган 18 ёшли футболчи учун курашда фаворит ҳисобланади.
«Челси» бош мураббийи Хаби Алонсо бу футболчини жамоага таклиф қилиш ғоясини қўллаб-қувватламоқда. Испаниялик мутахассис Алайбеговични Леверкузендаги фаолияти орқали яхши танийди.
Расман битим ҳозирча тасдиқланмаган, «Челси» трансферни янги мавсум бошлангунига қадар якунлашни режалаштирмоқда.
Ўтган мавсумда Алайбегович ижара ҳуқуқи асосида «РБ Зальцбург»да ўйнаб, Австрия чемпионатида 9 та гол урди ва 3 та голли узатмани амалга оширди.
