«Фрайбург» дарвозабони Ноа Атуболу «Ювентус»нинг қизиқишлар доирасига тушиб қолди. Бу ҳақда La Gazzetta dello Sport нашри хабар бермоқда.

Манбага кўра, янги дарвозабон қидирувида бўлган Турин клубига 24 ёшли посбоннинг хизматлари таклиф қилинган. Шу билан бирга, германиялик футболчининг амалдаги шартномаси 2027 йилнинг ёзигача мўлжалланган бўлиб, у янги битим имзолашни рад этмоқда.

Таъкидлаш жоизки, ўтган мавсумда Атуболу майдонга тушган 50 та ўйинда ўз дарвозасидан 70 та гол ўтказиб юборган. 12 та учрашувда эса ўз дарвозаси дахлсизлигини сақлаб қолган.