«Frayburg» darvozaboni Noa Atubolu «Yuventus»ning qiziqishlar doirasiga tushib qoldi. Bu haqda La Gazzetta dello Sport nashri xabar bermoqda.

Manbaga ko‘ra, yangi darvozabon qidiruvida bo‘lgan Turin klubiga 24 yoshli posbonning xizmatlari taklif qilingan. Shu bilan birga, germaniyalik futbolchining amaldagi shartnomasi 2027 yilning yozigacha mo‘ljallangan bo‘lib, u yangi bitim imzolashni rad etmoqda.

Ta’kidlash joizki, o‘tgan mavsumda Atubolu maydonga tushgan 50 ta o‘yinda o‘z darvozasidan 70 ta gol o‘tkazib yuborgan. 12 ta uchrashuvda esa o‘z darvozasi daxlsizligini saqlab qolgan.