Хорватиялик ярим ҳимоячи Лука Модрич катта эҳтимол билан кейинги мавсумда ҳам «Милан» шарафини ҳимоя қилишда давом этади.

Аввалроқ хавбек Италия жамоаси билан 2027 йилнинг ёзигача мўлжалланган янги битим тузиши ҳақида маълумот пайдо бўлган эди. Томонлар аллақачон барча масалаларда келишиб олишгани хабар қилинганди.

Инсайдер Николо Скиранинг хабар беришича, Модричнинг янги шартномага кўра маоши бир мавсум учун 4,5 миллион еврони ташкил қилади.

Эслатиб ўтамиз, Модрич «Милан»га 2025 йилнинг ўрталарида ўтган эди. «Россонерилар» таркибидаги илк мавсумида хорватиялик футболчи барча турнирларда 37 та ўйинда майдонга тушиб, 2 та гол урди ва 3 та голли узатмани амалга оширди.