Британ-ҳинд бизнесмени Амит Бхатия (собиқ «Куинз Парк Рейнджерс» эгаси) томонидан ўз оиласи кўмагида ва Amazon асосчиси Жефф Безос иштирокида тузилган «Ливерпуль»нинг потенциал эгалари консорциуми клубни ривожлантириш бўйича улкан режаларини белгилаб олди.
Indykaila News нашрининг ижтимоий тармоқда хабар беришича, инвесторларнинг мақсади — «Ливерпуль»ни жаҳон футболининг бош клубига айлантириш. Бунинг учун улар кенг кўламли трансфер кампаниясини ўтказиш ниятида. Консорциумнинг асосий нишонлари топ-ўйинчилар — Мадриднинг «Реал» клубидан Винисиус Жуниор ҳамда «Бавария»дан Майкл Олисе бўлди.
Олдинроқ «Ливерпуль»га эгалик қилувчи Американинг Fenway Sports Group инвестиция компанияси раҳбарияти клубдаги миноритар улушни сотиш бўйича музокаралар олиб бораётгани ҳақида хабар берилган эди.
