«Лестер Сити» собиқ ҳужумчиси Джейми Варди Франция терма жамоаси ярим ҳимоячиси Н’Голо Канте халқаро фаолияти учун миллий жамоани қандай танлагани ҳақидаги воқеани сўзлаб берди. Варди ва Канте «Лестер»да 2015/16 йилги мавсумда — клуб ўз тарихида илк бор Англия чемпиони бўлган ўша машҳур мавсумда жамоадош бўлишган.
«Бошида Канте Франция сафида ўйнашни хоҳламаган — у отасининг хотираси учун Мали терма жамоасида тўп суришни орзу қиларди. Машғулот базасида жамоадошлари таажжубини яширмай, уни қатъий равишда кўндиришга уринишган: «Нималарни ўйлаяпсан? Франция барибир Жаҳон чемпионатида ғолиб чиқади — Франция терма жамоасини танла!» — деди Варди The Touchline нашрига ижтимоий тармоқда.
Канте Франция сафидаги дебютини 2016 йилнинг мартида ўтказган, икки йилдан сўнг эса Россиядаги турнирда жаҳон чемпионига айланган. Жароҳат туфайли ярим ҳимоячи ЖЧ-2022ни ўтказиб юборган эди, ЖЧ-2026да эса барча ўйинларни захирада ўтказди.
