Колумбия терма жамоаси бош мураббийи Нестор Лоренсо ўз лавозимини сақлаб қолади. Бу ҳақда Колумбия футбол федерацияси маълум қилди.

Эслатиб ўтамиз, Шимолий Америкада бўлиб ўтган мундиалда колумбияликлар 1/8 финалгача етиб бориб, фақат пенальтилар сериясида Швейцария терма жамоасига имкониятни бой беришди. Аввалроқ колумбияликлар Португалия, Конго ДР ва Ўзбекистон жой олган гуруҳдан биринчи ўрин билан плей-оффга чиқишган, 1/16 финал босқичида эса Гана терма жамоасини кичик ҳисобда мағлуб этишган эди.

Лоренсога тўхталадиган бўлсак, ушбу 60 ёшли мутахассис қўл остида колумбияликлар аввалроқ 2024 йилги Америка Кубогида иккинчи ўринни эгаллашган, шунингдек, 2022–2024 йиллар оралиғида деярли икки йил давомида ҳеч бир жамоага имкониятни бой беришмаган эди.