Kolumbiya terma jamoasi bosh murabbiyi Nestor Lorenso o‘z lavozimini saqlab qoladi. Bu haqda Kolumbiya futbol federasiyasi ma’lum qildi.
Eslatib o‘tamiz, Shimoliy Amerikada bo‘lib o‘tgan mundialda kolumbiyaliklar 1/8 finalgacha yetib borib, faqat penaltilar seriyasida Shveysariya terma jamoasiga imkoniyatni boy berishdi. Avvalroq kolumbiyaliklar Portugaliya, Kongo DR va O‘zbekiston joy olgan guruhdan birinchi o‘rin bilan pley-offga chiqishgan, 1/16 final bosqichida esa Gana terma jamoasini kichik hisobda mag‘lub etishgan edi.
Lorensoga to‘xtaladigan bo‘lsak, ushbu 60 yoshli mutaxassis qo‘l ostida kolumbiyaliklar avvalroq 2024 yilgi Amerika Kubogida ikkinchi o‘rinni egallashgan, shuningdek, 2022–2024 yillar oralig‘ida deyarli ikki yil davomida hech bir jamoaga imkoniyatni boy berishmagan edi.
