Португалия миллий терма жамоаси сардори Криштиану Роналду синглисининг эри Александр Бертолуччи Бразилияда тергов доирасига тушди. Бу ҳақда Sports.kz нашри Daily Mail'га таяниб хабар берди.
Бразилия ҳуқуқни муҳофаза қилувчи органлари тадбиркорнинг ноқонуний хўроз жангларини ташкил этишга алоқадор ёки йўқлигини текширмоқда. Тергов хўрозларни яширин жангларда қатнаштириш учун кўпайтириш ва тайёрлаш ҳақидаги хабарлардан сўнг бошланган.
Манба маълумотига кўра, полиция ўтказган рейд давомида энг тажовузкор зотлардан бири ҳисобланган мура турига мансуб тахминан 1500 та жанговар хўроз аниқланган. Терговчиларнинг таъкидлашича, паррандаларлар талабга жавоб бермайдиган шароитда сақланган, уларнинг айримларида эса оғир жароҳатлар аниқланган.
Бертолуччи эса ўз навбатида барча айбловларни қатъий рад этди. У ноқонуний фаолиятда иштирок этмаганини ва хўроз жангларини ташкил этишга ҳеч қандай алоқаси йўқлигини билдирди.
Тергов давом этмоқда. Ҳуқуқни муҳофаза қилувчи органлар тадбиркорнинг ушбу ишга алоқадорлиги юзасидан ҳозирча якуний хулоса эълон қилмаган.
