Лондоннинг «Арсенал» клуби асосий марказий ҳимоячиси Вильям Салибадан узоқ муддатга айрилди. Франциялик футболчи жароҳат сабабли 4–5 ойга сафдан чиқди.
Caught Offside журналистларига маълум бўлишича, «канонирлар»га Лиссабоннинг «Спортинг» клуби шарафини ҳимоя қилаётган бельгиялик ҳимоячи Зено Дебастнинг хизматлари таклиф қилинган. Потенциал битим суммаси қарийб 40 миллион еврони ташкил этиши мумкин.
Ўтган мавсумда Дебаст Португалия жамоаси сафида 24 та ўйинда майдонга тушиб, 2 та голли узатмага муаллифлик қилди. Ҳимоячи ЖЧ-2026 да Бельгия миллий терма жамоаси шарафини ҳимоя қилган эди.
