«ПСЖ»да ўйнаган таниқли франциялик ҳимоячи Преснел Кимпембе фаолиятини Қатарда давом эттиради. Бу ҳақда L'Équipe журналистлари хабар бермоқда.
Манба маълумотларига кўра, 30 ёшли футболчининг янги иш жойи иккинчи дивизионда иштирок этувчи «Ал-Ҳаритят» клуби бўлади. Ҳозирда Кимпембе эркин агент мақомида. Франциялик ўйинчининг сўнгги клуби «Қатар» ФК бўлган эди. У ушбу жамоа сафида ички мусобақаларда 11 та ўйин ўтказган.
Кимпембе — «ПСЖ» академияси тарбияланувчиси. У Париж гранди сафида 2013 йилдан 2025 йилгача тўп сурган. Франция терма жамоаси таркибида 2018 йилги Жаҳон чемпионати ва 2021 йилги Миллатлар лигаси ғолиби бўлган.
