Аргентина терма жамоаси ярим ҳимоячиси Леандро Паредес ЖЧ-2026 финал ўйини фонида пайдо бўлган фитна назариялари (финаль атрофидаги шубҳали гап-сўзлар) ҳақида ўз фикрини билдирди.
Аргентина қўшимча вақтда Испанияга 0:1 ҳисобида имкониятни бой бериб қўйган эди.
«Эшитаётган гапларимга таянсанг, шунчаки ақлдан озишинг мумкин. Жаҳон чемпионатидан олдин, турнир давомида ва ундан кейин айтилган барча нарсалар... Менимча, биз ажойиб жаҳон чемпионатини ўтказдик.
Испания финалда Аргентинадан кучлироқ эди. Улар ҳақли равишда ғолиб бўлишди.
Ҳозир қила оладиган ягона ишимиз — бажарган меҳнатимиздан ва саккиз йил давомида эришган ютуқларимиздан роҳатланишдир, бу дарҳақиқат ҳайратланарли.
Бунинг бир қисми бўлиш мен учун ёқимли. Вақт ўтиб буни англаб етамиз, чунки бу чиндан ҳам ишониб бўлмас натижа», — деди Леандро Паредес «Бока Хуниорс» таркибида «О`Ҳиггинс»га қарши ўтказилган ва ассист қайд этган Копа Судамерикана ўйинидан (1:0) сўнг.
