Argentina terma jamoasi yarim himoyachisi Leandro Paredes JCH-2026 final o‘yini fonida paydo bo‘lgan fitna nazariyalari (final atrofidagi shubhali gap-so‘zlar) haqida o‘z fikrini bildirdi.
Argentina qo‘shimcha vaqtda Ispaniyaga 0:1 hisobida imkoniyatni boy berib qo‘ygan edi.
«Eshitayotgan gaplarimga tayansang, shunchaki aqldan ozishing mumkin. Jahon chempionatidan oldin, turnir davomida va undan keyin aytilgan barcha narsalar... Menimcha, biz ajoyib jahon chempionatini o‘tkazdik.
Ispaniya finalda Argentinadan kuchliroq edi. Ular haqli ravishda g‘olib bo‘lishdi.
Hozir qila oladigan yagona ishimiz — bajargan mehnatimizdan va sakkiz yil davomida erishgan yutuqlarimizdan rohatlanishdir, bu darhaqiqat hayratlanarli.
Buning bir qismi bo‘lish men uchun yoqimli. Vaqt o‘tib buni anglab yetamiz, chunki bu chindan ham ishonib bo‘lmas natija», — dedi Leandro Paredes «Boka Xuniors» tarkibida «O`Higgins»ga qarshi o‘tkazilgan va assist qayd etgan Kopa Sudamerikana o‘yinidan (1:0) so‘ng.
