«Интер» «Тоттенхэм» ҳимоячиси Кристиан Ромеронинг трансферини расмийлаштиришга тайёргарлик кўрмоқда, деб хабар беради инсайдер Фабрицио Романо.

Манбанинг маълумотларига кўра, «нерадзуррилар» ўйинчи ва клуб билан музокаралар олиб бормоқда. Жараён осон кечмаётгани, аммо «Интер»нинг нияти жуда жиддий экани таъкидланмоқда.

Ромеро 2022 йилдан бери «Тоттенхэм» шарафини ҳимоя қилиб келмоқда. Унинг амалдаги шартномаси 2029 йилнинг 30 июнигача мўлжалланган. Transfermarkt портали 28 ёшли аргентиналик футболчининг қийматини 45 миллион еврога баҳоламоқда.

2025/26 йилги мавсумда ҳимоячи 32 та ўйинда майдонга тушиб, 6 та гол урди ва 4 та голли узатмани амалга оширди. ЖЧ-2026 да эса у 7 та ўйинда 1 та гол уриб, 1 та голли узатмага муаллифлик қилди.