Испаниялик мураббий Хосеп Гвардиола Италия терма жамоасида ишлаш таклифини рад этди. Бу ҳақда журналист Фабрицио Романо X ижтимоий тармоғида маълум қилди.
«Пеп Гвардиола Федерациянинг Италия терма жамоаси бош мураббийи постини эгаллаш ҳақидаги таклифига рад жавобини берди. Гвардиола ушбу таклифни шу ҳафта давомида кўриб чиқди, аммо вақтини оиласига ажратиш, куч тўплаш ва футболга кейинроқ қайтишни истамоқда», — деб ёзади Романо.
55 ёшли Хосеп Гвардиола аввалроқ 2016 йилдан 2026 йилгача Англиянинг «Манчестер Сити» клубини бошқарган эди. У жамоа билан биргаликда 20 та совринни қўлга киритган.
Эслатиб ўтамиз, Италия терма жамоаси АҚШ, Канада ва Мексикада бўлиб ўтган ЖЧ-2026 мусобақасига йўлланмани қўлга кирита олмаган эди.
