ЖЧ-2026 нинг Франция ва Испания (0:2) ўртасидаги 1/2 финал учрашувини бошқарган сальвадорлик ҳакам Иван Бартон ва унинг бригадаси Дидье Дешамнинг малакасига нисбатан билдирган эътирозларига жавоб қайтарди.
Ўйиндан сўнг Франция терма жамоаси бош мураббийи бош ҳакамнинг даражасини сўроқ остида қолдирган эди.
Журналистларнинг Дешамнинг гаплари алам қилдими, деган саволига Бартон шундай жавоб берди:
«Йўқ, умуман ундай эмас. Ҳар ким ўз фикрига эга бўлиш ҳуқуқига эга.
Ушбу ўйинда ишлаш ҳуқуқини қўлга киритиш учун қандай йўлни босиб ўтганимизни, қанчалик меҳнат қилганимизни яхши биламиз. Нега бу ерда эканимизни англаб турибмиз. Шу сабабли ҳеч қандай изоҳлар ушбу тайинловга муносиб бўлганимизга бизда шубҳа уйғота олмайди», — деди Бартон.
