«Манчестер Сити» ярим ҳимоячиси Фил Фоден клубнинг Энцо Марескани бош мураббий этиб тайинлаш ҳақидаги қарорига муносабат билдирди.

Футболчи «шаҳарликлар»нинг ушбу танловидан мамнун эканини тан олди. Фоден мутахассис шаънига илиқ фикрлар билдирди.

«Энцо билан яна бирга ишлаш имкониятини сабрсизлик билан кутяпман. У биз требл қайд этган мавсумда ўзини ажойиб тарзда кўрсатган эди — барча футболчилар уни ҳурмат қилишар ва у билан ишлашни яхши кўришарди. Унинг бу ерга қайтиши — жуда ажойиб воқелик», — дейди Фоден «Манчестер Сити»нинг расмий сайтига берган интервьюсида.

Эслатиб ўтамиз, Хосеп Гвардиола мавсум якунлангач «Манчестер Сити»ни тарк этди. Клуб раҳбарияти эса Энцо Мареска номзодига тўхталди.